Drwy gynnwys Gofal a Thrwsio yn eich ewyllys, gallwch helpu i sicrhau y caiff pobl hŷn eu cefnogi am flynyddoedd lawer i’r dyfodol.
Drwy adael rhodd yn eich ewyllys, gallwch ein helpu i ddal ati i wella cartrefi a newid bywydau am flynyddoedd i ddod.
Bydd eich haelioni yn golygu y bydd Gofal a Thrwsio ar gael i bobl hŷn ledled Cymru i droi atom i gael a help a chymorth pan maent fwyaf ein hangen.
Mae eich ewyllys yn ddogfen bwysig sy’n amlinellu’r hyn ddylai ddigwydd i’ch arian ac eiddo ar ôl i chi farw. Os nad oes gennych ewyllys pan fyddwch yn marw, bydd y gyfraith yn gwneud y penderfyniad hwn ar eich rhan, na fydd o reidrwydd yr un peth â’ch dymuniadau.
Awgrymwn eich bod yn cysylltu â chyfreithiwr a all eich helpu i’w hysgrifennu a’i llofnodi. Pan fyddwch yn ysgrifennu ewyllys, byddem yn eich annog i feddwl yn galed amdano a rhoi eich teulu a’ch anwyliaid yn gyntaf.
Os oes gennych ewyllys yn barod ac yr hoffech gynnwys Gofal a Thrwsio ynddi, yna mae’n rhwydd ei diwygio. Y cyfan rydych ei angen yw Codisil (ffurflen swyddogol i ddiwygio ewyllys) sydd ar gael gan eich cyfreithiwr.
Gofynnwn i chi adael i ni wybod os gwelwch yn dda fel y gallwn ddiolch i chi yn ffurfiol os ydych eisoes wedi cynnwys rhodd i Gofal a Thrwsio yn eich ewyllys.
Gallwch ddewis gadael rhodd i naill ai Care & Repair Cymru neu’ch Asiantaeth Gofal a Thrwsio leol neu i’r ddau. Chi sydd i benderfynu.
Cysylltwch â ni i gael mwy o wybodaeth ar sut i adael rhodd yn eich ewyllys i Care & Repair Cymru.
Cysylltu â NiMae llawer o ffyrdd y gallwch gymryd rhan yn yr elusen. Mwy o wybodaeth isod.
Mae Gofal a Thrwsio yn helpu pobl hŷn yng Nghymru i fyw’n annibynnol mewn cartrefi cynnes, diogel a chyfleus.
Mae Asiantaeth Gofal a Thrwsio yng Nghymru, pob un yn gwasanaethu mewn ardal wahanol.
