A wyf yn gymwys?

Mae’n rhaid i chi fod yn byw yng Nghymru.

Dim ond yng Nghymru mae ein gwasanaethau ar gael; mae gennym asiantaeth yn gweithredu ym mhob un o’r 22 sir.

Fel arfer mae’n rhaid i chi fod dros 60 oed.

Fodd bynnag, mae’n dibynnu ar y gwaith rydych ei angen ac ymhle yng Nghymru yr ydych yn byw. Mae rhai o’n prosiectau ar gael i rai dros 50 oed.

Mae’n rhaid i chi fod yn berchennog eich cartref eich hunan neu’n rhentu yn breifat.

Fodd bynnag, mae eithriadau, yn benodol ar gyfer rhai sy’n byw gydag anableddau neu sydd angen help i ddychwelyd adre o’r ysbyty. Rydym yn gweithio gyda rhai mewn tai cymdeithasol ar rent mewn nifer fach o ardaloedd.