Gwasanaethau 

 

Gofal a Thrwsio sir Gaerfyrddin yn darparu ystod o wasanaethau i gleientiaid ar draws sir Gaerfyrddin.

Rydym yn darparu gwasanaeth 'holistig' sy'n golygu ein bod yn ceisio cefnogi cleientiaid gyda gwaith penodol ond hefyd gydag unrhyw waith arall, cymorth neu ymyriad a fyddai o fudd i'r cleient. Gall hyn gynnwys cyfeirio at gyrff eraill a all gynorthwyo mewn meysydd lle na allwn ni wneud hynny.

Mae gwasanaethau yn cynnwys eich cynorthwyo i wella, trwsio neu addasu eich cartref ac maent ar gael i unigolion 60 oed neu drosodd, neu o unrhyw oedran gydag anabledd. Gellir codi tâl am rai gwasanaethau yn dibynnu ar gymhwyster.

Dewiswch wasanaeth islaw i ganfod mwy.

Gwasanaeth Cymorth Gwaith Achos Craidd

Os ydych chi’n 60 oed a throsodd, gall ein gwasanaeth ymweliadau cartref ddarparu cyngor, gwybodaeth a chymorth am ddim i chi, wedi eu teilwrio ar gyfer eich anghenion unigol. Bydd ein gweithiwr achos profiadol yn dod i’ch cartref ac yn gwrando ar eich anghenion.

Gall ein tîm Gwaith Achos profiadol ymweld â chi yn eich cartref i wrando a thrafod unrhyw faterion sydd ar eich meddwl a dod o hyd i ddatrysiadau unigol ar eich cyfer. Gallwn gynnig ar eich cyfer:

  • Cymorth - Gall Gweithwyr Achos ddarparu cymorth ac anogaeth bersonol wrth i gleientiaid baratoi a delio gyda’r tarfu a all gael ei achosi gan unrhyw waith addasu/adeiladu.
  • Cysylltu ar ran y cleient – Rydym yn gweithredu fel pwynt cyswllt rhwng y cleient, teulu neu ofalwr o fewn gwahanol sefydliadau a chyrff statudol sy’n darparu cymorth.
  • Ceisiadau - Gallwn ymweld â chartref cleient i helpu i lenwi ffurflenni fel ceisiadau am Grant Llywodraeth Leol a cheisiadau Lwfans Gweini.
  • Dangos y Ffordd - byddwn yn dangos yn ffordd a chysylltu ar ran cleient gyda sefydliadau addas ar gyfer cymorth wedi ei deilwrio’n arbennig ar gyfer anghenion y cleient; er enghraifft, Canolfan Cyngor ar Ynni, yr Adran Gwaith a Phensiynau, y Lleng Brydeinig Frenhinol, Age Cymru a Prosiect Cymorth Unedig Sir Gaerfyrddin.
  • Cyngor a Gwybodaeth - gallwn hefyd gynnig cymorth a gwybodaeth dros y ffôn. Gall aelod hyfforddedig o’n staff wneud gwiriadau ariannol dros y ffôn ar gyfer gwasanaethau fel budd-daliadau a Grantiau Cyfleusterau i’r Anabl.
  • Dewisiadau Grantiau/Cyllid - Byddwn yn trafod pa waith trwsio ac addasu sydd ei angen arnoch,  beth yw’r datrysiadau posibl, ac yn cynnig cyngor ar ffynonellau ariannol fel Grantiau Cyfleusterau i’r Anabl, hunan-ariannu neu gyllid buddiannol ar gyfer y gwaith y penderfynwyd fod angen ei wneud gallwn helpu gyda llenwi ffurflenni neu waith papur arall.
  • Gwres Fforddiadwy - Rydym yn darparu cyngor, cymorth a datrysiadau ynglŷn ag effeithlonrwydd ynni gan gynnwys dewisiadau cyllid, dyled ynni, newid tariff a darparwyr, Disgownt Cartref Cynnes a Chofrestru Gwasanaeth Blaenoriaeth.
  • Gwirio Budd-daliadau - Mae gennym wasanaeth gwirio budd-dal lles y gallwn ei gwblhau ar eich rhan i wneud yn siŵr eich bod yn gwneud y gorau o’r cael  incwm sydd ar gael. Byddwn yn eich cyfeirio at y gwahanol fudd-daliadau er mwyn sicrhau eich bod yn derbyn popeth sy’n ddyledus i chi. .

            Dolen gweithio allan budd-daliadau lles

            http://www.turn2us.org.uk/benefits_search.aspx

  • Iechyd – Byddwn yn cyfeirio cleientiaid ar gyfer asesiadau Therapi Galwedigaethol i benderfynu pa offer ac addasiadau sydd orau ar gyfer eu hanghenion iechyd. Mae gennym hefyd aseswyr hyfforddedig sy’n gallu asesu ar gyfer addasiadau graddfa fach.

I gael mwy o wybodaeth ar y gwasanaethau a ddarperir gan Gofal a Thrwsio Sir Gaerfyrddin, mae croeso i chi gysylltu â ni neu ofyn i rywun gysylltu â ni ar eich rhan.

Rhaglen Addasiadau Brys

Caiff y cyllid ar gyfer y Rhaglen Addasiadau Brys ei ddarparu gan Lywodraeth Cymru ar gyfer pobl sydd mewn ysbyty yn disgwyl mynd adref, neu wedi mynd adref o'r ysbyty yn ddiweddar neu mewn risg  gael eu derbyn i ysbyty neu i gartref gofal.

I gael cymorth grant, mae'n rhaid i atgyfeiriadau ddod gan weithiwr proffesiynol iechyd neu wasanaeth cymdeithasol e.e. therapydd galwedigaethol. Gallwn hefyd roi cyngor i chi ar sut i gael mynediad i'r cyllid yma a siarad gyda'r asiantaeth atgyfeirio ar eich rhan.

Mae enghreifftiau o'r mathau o waith yn cynnwys:

  • Canllawiau bach/canllawiau cydio
  • Mynediad i gyfleusterau toiled
  • Newid lleoliad switshis/socedi golau
  • Darparu canllawiau grisiau
  • Stepiau a hanner stepiau
  • Systemau mynediad drws
  • Technoleg gymhorthol
  • Atgyweirio grisiau/lloriau pren
  • Gwastatau lloriau concrit
  • Gwella goleuadau tu mewn/tu allan
  • Atgyweirio gwresogi prif ardaloedd byw
  • Gosod stribedi carped
  • Ailosod cerrig palmant
  • Socedi ychwanegol
  • Estyniadau ffôn

I gael mwy o wybodaeth ar y gwasanaethau a ddarperir gan Gofal a Thrwsio Sir Gaerfyrddin, mae croeso i chi gysylltu â ni neu ofyn i rywun gysylltu â ni ar eich rhan.

Gwasanaeth Ymdopi’n Well

Mae Ymdopi’n Well yn brosiect tair blynedd sy’n cael sy’n cael ei ariannu gan Grant Trydydd Sector Gwasanaethau Cymdeithasol Cynaliadwy Llywodraeth Cymru. Mae’r gwasanaeth yn cael ei arwain gan Care & Repair Cymru mewn partneriaeth ag RNIB Cymru, Gweithredu ar Golled Clyw Cymru ac Asiantaethau Gofal a Thrwsio ledled Cymru.

Os ydych chi’n 50 oed a throsodd, yn berchen eich cartref, yn byw mewn lle wedi ei rentu’n breifat neu mewn tai cymdeithasol, gall Gweithiwr Achos Ymdopi’n Well gynnig cyngor a chymorth am ddim i’ch helpu i sicrhau gwelliannau ac addasiadau angenrheidiol i’ch cartref.  

Mae gan weithwyr achos Ymdopi’n Well arbenigedd penodol mewn effeithiau colli golwg, colli clyw a/neu nam deublyg ar y synhwyrau a sut y mae hyn yn effeithio ar bobl yn eu cartrefi o ran eu diogelwch personol, annibyniaeth a lles ac fe fyddan nhw’n darparu cyngor a chymorth ynghylch hyn.   

I gael mwy o wybodaeth ar y gwasanaethau a ddarperir gan Gofal a Thrwsio Sir Gaerfyrddin, mae croeso i chi gysylltu â ni neu ofyn i rywun gysylltu â ni ar eich rhan.

Cynllun Crefftwr

Mae'r Asiantaeth yn cyflogi dau Swyddog Cynnal a Chadw Cartref sy'n cynnal atgyweiriadau ac addasiadau bach ar draws y sir. Rhaid i gleientiaid fod dros 60 oed ac yn berchen ar eu cartref eu hunain. Mewn rhai amgylchiadau, gall yr Asiantaeth gynorthwyo tenantiaid preifat, tenantiaid y cyngor sir, neu Gymdeithas Tai, ond dim ond gyda gwaith y tu allan i gyfrifoldeb y landlord.

Bydd yr Asiantaeth yn dyfynnu pris cyn dechrau'r gwaith, y tâl isaf am y gwasanaeth yw £ 15. Yn gyffredinol, ni fyddai'r gwaith yn fwy na dwy awr o hyd ac o fewn cwmpas gofynion Iechyd a Diogelwch (er enghraifft ni fyddem yn gweithio ar osodiadau nwy a dim ond ar drydanau sylfaenol iawn).

I gael mwy o wybodaeth ar y gwasanaethau a ddarperir gan Gofal a Thrwsio Sir Gaerfyrddin, mae croeso i chi gysylltu â ni neu ofyn i rywun gysylltu â ni ar eich rhan.

Gwasanaeth Technegol Uwch.

Mae cleientiaid yn aml yn gofyn i'r Asiantaeth ddarparu cymorth Technegol y tu hwnt i'r hyn a ddarperir ar ei gyfer drwy'r gwasanaeth Craidd. Gallai hyn, er enghraifft, gynnwys dylunio manwl, cyflwyniadau Rheoli Adeiladu a Chynllunio, dyletswyddau Iechyd a Diogelwch cleientiaid a gweinyddu contractau. 

Fel rheol bydd angen rhai o'r rhain neu'r cyfan o'r rhain fel rhan o broses Grant Cyfleusterau Anabl yr Awdurdodau Lleol, a byddai'r gost (yn y mwyafrif helaeth o achosion) yn cael ei gynnwys dan y grant. Fodd bynnag, gofynnir i'r Asiantaeth ddarparu'r gwasanaeth hwn yn fwyfwy gan gleientiaid nad ydynt am wneud cais, neu sy'n anghymwys am gymorth grant. Felly byddai'r gost yn cael ei dalu gan y cleient.

I gael mwy o wybodaeth ar y gwasanaethau a ddarperir gan Gofal a Thrwsio Sir Gaerfyrddin, mae croeso i chi gysylltu â ni neu ofyn i rywun gysylltu â ni ar eich rhan.

Gwres Fforddiadwy

Ar hyn o bryd mae'r Asiantaeth yn rhedeg gwasanaeth Gwaith Achos Cynhesrwydd Fforddiadwy, wedi'i ariannu drwy'r Loteri Fawr. Gall yr Asiantaeth gynorthwyo a chyngori gyda materion sy'n ymwneud ag effeithlonrwydd ynni a lleihau costau (ee helpu i newid darparwr ynni).

I gael mwy o wybodaeth ar y gwasanaethau a ddarperir gan Gofal a Thrwsio Sir Gaerfyrddin, mae croeso i chi gysylltu â ni neu ofyn i rywun gysylltu â ni ar eich rhan.